(English) We are thrilled to introduce our new school mascot, the Clouded Leopard.
This selection carries deep significance, as the clouded leopard is listed as endangered in Cambodia and vulnerable on the IUCN Red List. By adopting this incredible animal as our mascot, we have an exciting opportunity to raise awareness about conservation efforts and the importance of protecting endangered species. This aligns closely with our school’s vision and one of our SLOs: Active Citizens.
The mascot will serve as a symbol of unity and a reminder of our collective responsibility to care for the environment. We look forward to integrating the clouded leopard into our school culture and bringing it to life in a meaningful way.
Let’s all give a warm welcome to the Footprints Leopards!
———————————————————————
សូមស្វាគមន៍តុក្កតាមង្គលថ្មីសម្រាប់សាលារៀនរបស់យើង “ខ្លារខិនពពក”
យើងខ្ញុំរីករាយក្នុងណែនាំលោកអ្នកឱ្យបានស្គាល់នូវ តុក្កតាមង្គលថ្មីសម្រាប់សាលារៀនរបស់យើង “ខ្លារខិនពពក”
ការជ្រើសរើសនេះនាំមកជាមួយនូវអត្ថន័យដ៏សំខាន់ ដោយសត្វខ្លារខិនពពកត្រូវបានចាត់ចូលជាសត្វដែលជិតផុតពូជនៅក្នុងប្រទេសកម្ពុជា និងជាសត្វដែលទទួលរងគ្រោះថ្នាក់នៅក្នុងបញ្ជីក្រហមរបស់ សហភាពអន្តរជាតិសម្រាប់ការអភិរក្សធម្មជាតិ (IUCN)។ តាមរយៈការជ្រើសរើសយកសត្វដ៏អស្ចារ្យ នេះមកធ្វើជាតុក្កតាមង្គលរបស់យើង នោះយើងខ្ញុំនឹងមានឱកាសក្នុងការបង្កើនការយល់ដឹងអំពីកិច្ចខិតខំប្រឹងប្រែងអភិរក្ស និងយល់ដឹងពីសារៈសំខាន់នៃការការពារប្រភេទសត្វដែលជិតផុតពូជផងដែរ។ ទង្វើនេះគឺស្របគ្នា ជាមួយនឹងចក្ខុវិស័យរបស់សាលា និងជាចំណុចមួយនៅក្នុងចំណោមលទ្ធផលសិក្សារំពឹងទុករបស់ សិស្សានុសិស្សរបស់យើង “ពលរដ្ឋសកម្ម”។
តុក្កតាមង្គលនេះនឹងក្លាយជានិមិត្តសញ្ញានៃសាមគ្គីភាព និងផ្តល់ជាការរំឭកដល់ទំនួលខុសត្រូវរួមរបស់ ពួកយើងទាំងអស់គ្នាក្នុងការថែរក្សាបរិស្ថាន។ យើងខ្ញុំទន្ទឹងរង់ចាំការបញ្ចូលខ្លារខិនពពកទៅក្នុងវប្បធម៌របស់សាលារៀនរបស់យើង និងធ្វើឱ្យខ្លារខិនពពករស់រានដោយមានអត្ថន័យ។
តោះពួកយើងទាំងអស់គ្នាសូមស្វាគមន៍យ៉ាងកក់ក្តៅដល់ខា្លរខិនពពកហ៊្វូតព្រីន!
ជយោ! ខ្លារខិនពពកហ៊្វូតព្រីន! 🐾
(English)
(English) We are thrilled to share that Footprints International School has been selected to participate in the prestigious ASEAN-Australia BRIDGE Program for 2025-2026! This program is an initiative of the ASEAN-Australia Centre at the Australian Government Department of Foreign Affairs and is implemented by Asialink Education at the University of Melbourne.
The selection process for this program was highly competitive, with only the most outstanding schools chosen from a large pool of applicants. Schools were assessed using a rigorous rubric to evaluate the quality of their responses, and we are proud that Footprints International School was recognised for our strong application.
The ASEAN-Australia BRIDGE Program connects schools in Australia and Southeast Asia, fostering collaboration through an 18-month journey that includes:
This opportunity will allow Footprints to develop a meaningful partnership with an Australian school, engaging our teachers and students in shared learning experiences that promote cultural exchange and collaboration. Beyond the formal timeline of the program, Footprints will foster long-lasting relationships not only with our partner school in Australia but also with other participating ASEAN schools, creating a broader network of shared learning and global engagement.
ក្រុមគ្រួសារជាច្រើននៅសាលាហ៊្វូតព្រីនអន្តរជាតិ កំពុងរង់ចាំពេលវេលាឈប់សម្រាកដ៏សមរម្យមួយ ក្នុងពេលដែលរដូវបុណ្យដំណាច់ឆ្នាំកំពុងខិតជិតមកដល់ (ថ្ងៃចន្ទ ទី២៣ ខែធ្នូ ឆ្នាំ២០២៤ ដល់ថ្ងៃពុធ ទី៨ ខែមករា ឆ្នាំ២០២៥)។ ពេលវេលានេះផ្តល់ឱកាសឱ្យលោកអ្នកបង្កើតទំនាក់ទំនងល្អជាមួយបុត្រធីតា និងការចងចាំដែលមិនអាចបំភ្លេចបាន។ ខាងក្រោមនេះគឺជាគន្លឹះមួយចំនួនដើម្បីជួយលោកអ្នកទាញយកអត្ថប្រយោជន៍ពីរដូវកាលឈប់សម្រាកនេះ៖
តុល្យភាពរវាងការសម្រាកនិងការចូលរួម
ខណៈពេលដែលការសម្រាកមានសារៈសំខាន់ ការរក្សាទម្លាប់ដែលអាចបត់បែនបានអាចជួយរក្សាតុល្យភាពត្រឹមត្រូវ។ អនុញ្ញាតឱ្យបុត្រធីតារបស់លោកអ្នកគេងឱ្យបានយូរជាងមុន ប៉ុន្តែព្យាយាមរក្សាម៉ោងចូលគេងពេលយប់ឱ្យនៅដដែល។ រូមបញ្ចូលការសម្រាកលំហែ ជាមួយនិងសកម្មភាពដែលបញ្ចេញចលនារាងកាយ និងខួរក្បាល ហើយប្រើប្រាស់ប្រតិទិនសាមញ្ញ ឬការរាប់ថយក្រោយដើម្បីបង្កើនភាពរំភើបសម្រាប់ព្រឹត្តិការណ៍នាពេលខាងមុខ ដូចជាការប្រារព្ធកម្មវិធីជាដើម។
ទទួលយកទម្លាប់ថ្មីៗ
រដូវកាលឈប់សម្រាកគឺជាពេលវេលាដ៏ល្អបំផុតក្នុងការណែនាំទម្លាប់ថ្មីៗនៅក្នុងគ្រួសារ។ ស្វែងយល់ពីទីតាំងប្រវត្តិសាស្ត្រក្នុងតំបន់ ឬដើរលេងនៅសួនឧទ្យាននិងតំបន់អភិរក្សធម្មជាតិដែលនៅជិតៗ។ លោកអ្នកក៏អាចចម្អិនអាហារជាមួយគ្នាជាគ្រួសារ សាកល្បងមុខម្ហូបថ្មីៗ ឬធ្វើនំសម្រាប់រដូវកាលឈប់សម្រាកដែលលោកអ្នកចូលចិត្ត។
លើកទឹកចិត្តការសិក្សាតាមរយៈការកម្សាន្តសប្បាយ
ការសិក្សារៀនសូត្រមិនចាំបាច់បញ្ឈប់ក្នុងអំឡុងពេលឈប់សម្រាកនោះទេ! លោកអ្នកអាចឱ្យបុត្រធីតាចូលរួមក្នុងសកម្មភាពដែលមានការអនុវត្តផ្ទាល់ដូចជាការពិសោធវិទ្យាសាស្ត្រ ល្បែងផ្គុំរូប ឬបង្កើតគម្រោងដែលលើកកម្ពស់ភាពច្នៃប្រឌិត និងការត្រិះរិះពិចារណា។ អនុវត្តជំនាញគណិតវិទ្យាពេលចម្អិនអាហារជាមួយគ្នា ឬក្នុងពេលទិញគ្រឿងទេសនៅផ្សារ។ លោកអ្នកអាចពិចារណាក្នុងការធ្វើកិច្ចការ DIY ដូចជាការជួសជុល ឬកែលម្អសម្ភារៈក្នុងផ្ទះ ឬបង្កើតអ្វីមួយដែលចេញពីការស្រមើស្រមៃ។
បណ្តុះភាពច្នៃប្រឌិត និងការស្វែងយល់
ជំរុញការស្រមើស្រមៃរបស់បុត្រធីតាលោកអ្នក ជាមួយនឹងសកម្មភាពដែលលើកកម្ពស់ភាពច្នៃប្រឌិត។ រៀបចំកន្លែងគូរគំនូរជាមួយនឹងសម្ភារៈផ្សេងៗ បង្កើតកន្លែងអានសៀវភៅដ៏មានផាសុកភាពមួយជាមួយនឹងសៀវភៅដែលទាក់ទាញចំណាប់អារម្មណ៍របស់ពួកគេ និងស្វែងយល់ពីចំណង់ចំណូលចិត្តថ្មីៗជាមួយគ្នា មិនថាជាការគូររូប តន្ត្រី ឬថតរូបនោះទេ។ លោកអ្នកអាចស្វែងរកវគ្គសិក្សា ឬមេរៀនលើប្រព័ន្ធអុីនធឺណិតដើម្បីជួយពន្យល់ណែនាំ បុត្រធីតាលោកអ្នកឆ្ពោះទៅកាន់ភាពច្នៃប្រឌិតដែលពួកគេស្វែងរក។
ការផ្តល់ត្រឡប់ទៅសហគមន៍វិញ
ប្រើប្រាស់ពេលវេលានេះដើម្បីបង្រៀនបុត្រធីតាលោកអ្នក អំពីតម្លៃនៃភាពសប្បុរស និងការជួយអ្នកដទៃ។ ស្ម័គ្រចិត្តនៅអង្គការសប្បុរសធម៌ក្នុងស្រុក ឬរៀបចំយុទ្ធនាការបរិច្ចាគសម្រាប់អ្នកដែលត្រូវការជំនួយ។ សកម្មភាពសប្បុរសធម៌តូចៗ ដូចជាការជួយអ្នកជិតខាង ឬការធ្វើសកម្មភាពសប្បុរសធម៌ដោយចៃដន្យ អាចមានឥទ្ធិពលយ៉ាងខ្លាំង និងជួយឱ្យបុត្រធីតាលោកអ្នកយល់ពីសារៈសំខាន់នៃការផ្តល់ត្រឡប់ទៅវិញ។
ត្រៀមខ្លួនសម្រាប់ការត្រឡប់ទៅសាលារៀនវិញ
នៅពេលដែលការឈប់សម្រាកខិតជិតមកដល់ទីបញ្ចប់ នេះគឺជាពេលដែលត្រូវចាប់ផ្តើមត្រៀមខ្លួនសម្រាប់ការត្រឡប់មកសាលារៀន។ រំឭកនូវអ្វីដែលបុត្រធីតាលោកអ្នកបានរៀនក្នុងអំឡុងពេលឈប់សម្រាក និងណែនាំវិធីសាស្ត្រសប្បាយៗ ដើម្បីធ្វើឱ្យការត្រឡប់ទៅកាន់ទម្លាប់សិក្សារបស់ពួកគេវិញមានភាពងាយស្រួល។ រៀបចំសម្ភារៈសិក្សា បង្កើតតារាងត្រួតពិនិត្យការត្រឡប់ទៅសាលារៀនវិញ និងពិភាក្សាអំពីសកម្មភាពរំភើបៗដែលពួកគេនឹងរង់ចាំនៅក្នុងវគ្គសិក្សាខាងមុខ។
រដូវកាលឈប់សម្រាកនេះគឺជាឱកាសសម្រាប់ការសម្រាកលំហែ ការសិក្សារៀនសូត្រ ការផ្សងព្រេង និងការឆ្លុះបញ្ចាំង។ រក្សាតុល្យភាពរវាងពេលទំនេរ ជាមួយនឹងសកម្មភាពបំពេញបន្ថែមដែលរស់រវើក ដើម្បីពង្រឹងទំនាក់ទំនងគ្រួសារ គាំទ្រការរីកចម្រើនរបស់បុត្រធីតាលោកអ្នក និងបង្កើតការចងចាំដ៏មានតម្លៃ។ សូមរីករាយជាមួយនឹងថ្ងៃឈប់សម្រាក!
